குருவைப்பற்றி
ஸ்ரீ ஜிதேஷ் சத்யன்
(ஸ்ரீ யுகானந்த நாதர்)
ஜோதிடம் மற்றும் பிரசன்ன ஜோதிட முறைகளை மந்திர வித்யா பீடத்திலும் மற்றும் சில பாரம்பரிய ஆச்சார்யர்களிடமிருந்தும் கற்றறிந்தார். வாஸ்து வித்யையை மந்த்ர வித்யா பீடத்திலும், வாஸ்து வித்யா பீடத்திலும் பயின்றார். நமது குருநாதர், AIFAS- கூட்டமைப்பின் “ஜோதிஷ ரிஷி, வாஸ்து சாஸ்திராச்சார்யா மற்றும் அங்க் ஜோதிஷாசார்யா” போன்ற பட்டங்களை பெற்றுள்ளார்.
நமது குருநாதர் பணிக்கர் களரி மையத்தில் யோகா மற்றும் களரியில் பயிற்சி பெற்றுள்ளார். மேலும் உசுயி ஷிகி ரயோஹோ – ஹீலிங் டுடே, USA ன் சான்றிதழ் பெற்ற ரெய்கி பயிற்சியாளர் மற்றும் வேர்ல்ட் ரெய்கி அமைச்சகத்தின் ஹீலிங் அமைச்சர் ஆவார். அமெரிக்கன் ஹிப்னாஸிஸ் அசோசியேஷன் வழங்கிய “கடந்தகால வாழ்க்கை புதுப்பித்தலின் சிகிச்சையாளர்” (Past Life Regression Therapist) என்ற பட்டமும், மேம்பட்ட பிரானிக் சிகிச்சைமுறையின் (Advanced Pranic Healing) சான்றிதழும் பெற்றுள்ளார்.
ஶ்ரீ வித்யையில் க்ரம தீக்ஷை பெற்றுள்ள நமது குருநாதர், ஶ்ரீவித்யையின் தேவதைகளுக்கான சாதனையில் புரஸ்சரண முறையை அனுஷ்டித்து பூர்ண தீக்ஷையும் பெற்றுள்ளார். பல்வேறு தாந்த்ரீக ஆச்சார்யர்களிடம் பயிலும் காலத்தில், சித்த யோகம், திராவிட ஜோதிஷம், ஹம்ஸ வித்யை போன்றவற்றை பயிலும் வாய்ப்பைப் பெற்று தேர்ச்சி அடைந்துள்ளார். மேலும், வழக்கமான பாடமாக கற்பிக்கப்படாத வித்யைகளையும், தகுதியுடைய சிஷ்யர்களுக்கு மட்டுமே போதிக்கப்படும் பல்வேறு தனிச்சிறப்பு வாய்ந்த வித்யைகளையும் பயின்றுள்ளார்.